«Չկա կողմ, որի կողմից «ֆեյքերով» կռիվ չտան». «Փաստ» ՀԱՐՑԱԶՐՈՒՅՑ
Թաթուլ Մանասերյան. «Հիմա մենք ի՞նչ պետք է անենք, ասենք՝ ապրե... ՀԱՐՑԱԶՐՈՒՅՑ
Միայն հայտարարելով չէ, թե՝ «ընդդիմություն ենք». «Փաստ» ՀԱՐՑԱԶՐՈՒՅՑ
Չմոռանանք, թե ինչի համար ենք հավաքվել ՔԱՂԱՔԱԿԱՆ
Գիտակցաբար խախտում անողների նկատմամբ առանձնահատուկ վերաբերմո... ՀԱՐՑԱԶՐՈՒՅՑ
Երևան, 21.Մայիս,
00
:
00
:
00
Փոխարժեք
478.65
$
560.79
Նիկոլ Փաշինյանն ու Բակո Սահակյանը հարցեր են քննարկել Ովքեր կփոխարինեն Երեւանի ավագանուց հեռացած անդամներին. Դավիթ Խաժակյանը հայտնել է անունները Բացահայտվել է Չարենցավանի բնակչուհու նկատմամբ կատարված հարձակումը. գողոնը հայտնաբերվել է Թևան Պողոսյանը արձանագրում է՝ Ադրբեջանը դեռևս պատրաստ չէ խաղաղ բանակցությունների 10 ժամով կդադարեցվի գազամատակարարումը.... Պաշտոնանկություն՝ վարչապետ Նիկոլ Փաշինյանի որոշմամբ Տեսեք ինչ եղանակ է սպասվում առաջիկա օրերին Վազգեն Մանուկյանը Փաշինյանին առաջարկում է ԿԳՆ-ն կիսել երկու նախարարության Ուրախ կլինենք, եթե կարողանանք արմատախիլ անել կոռուպցիան. Բաբլոյանը՝ ԱԱԾ տնօրենի հայտարարության մասին Նիկոլ Փաշինյանի ուղերձը ողջունելի է Փյունիկ գյուղի դպրոցի փակումն անթույլատրելի է. ԿԳ նախարարը կոչ է արել դպրոցների տնօրեններին կեղծ լուրեր չտարածել Նոր նշանակումներ՝ ոստիկանությունում. Վահե Ղազարյանը՝ Տավուշի ոստիկանապետ, Էդգար Պետրոսյանը՝ Երևանի փոխոստիկանապետ Առաջարկվում է երկրորդ երեխայի ծննդյան նպաստի չափը եռապատկել Միհրան Հարությունյան դու լավ սպորտսմեն ես, բայց նման բան չպիտի հայտարարեիր Ավտովթար Հասրաթյան փողոցում. 2 տարեկան փոքրիկները տեղափոխվել են հիվանդանոց Դավիթ Սանասարյանը նշանակվել է ՀՀ պետական վերահսկողության ծառայության պետ 24 ժամ ջուր չի լինելու Երեւանի Արաբկիր վարչական շրջանում Բեռլինը կողմ է հանդես եկել Ալբանիայի և Մակեդոնիայի հետ ԵՄ անդամակցության բանակցություններ սկսելուն Արցախի նախագահը մասնակցել է «Թալիշի վերածնունդ» նախագծի մեկնարկի հանդիսավոր արարողությանը Մադրիդը կշարունակի վերահսկողություն իրականացնել Կատալոնիայում. Իսպանիայի վարչապետ

Փաշինյանի նոր մոտեցումը՝ քննադատությունների առիթ

Մայիսի 9-ին Արցախ կատարած այցի ժամանակ վարչապետ Նիկոլ Փաշինյանը տեսակետ էր հայտնել, որ ինքն ամեն ինչ անելու է, որպեսզի Արցախի Հանրապետությունը վերադառնա բանակցային սեղանի շուրջ: Իր խոսքում Փաշինյանը նշել էր, որ Հայաստանի Հանրապետությունը նույնպես բանակցային կողմ է և կխոսի իր անունից, իսկ Արցախի Հանրապետության անունից պետք է խոսի Արցախի ղեկավարությունը՝ ի դեմս Արցախի նախագահի:

«Այսինքն, այստեղ շարունակականություն չկա: Այստեղ կա նոր մոտեցում»,- ասել է Ն. Փաշինյանը: Ի դեպ, վարչապետը նշել էր, որ իր պատկերացմամբ բանակցությունների ձևաչափը պետք է ԵԱՀԿ Մինսկի խմբի համանախագահության շրջանակներում շարունակվի: Եվ այդ ձևաչափով, 1992 թվականի մանդատով, Լեռնային Ղարաբաղը ճանաչված է որպես հակամարտության լիիրավ կողմ: «Հետևաբար ես համարում եմ, որ բանակցությունները պետք է տեղի ունենան ԵԱՀԿ Մինսկի խմբի համանախագահության ֆորմատով, լիարժեքության պայմաններում: Որովհետև, կարծում եմ, որ Ղարաբաղի բացակայությունը բանակցային սեղանից այն չէ, ինչ նախատեսված է ԵԱՀԿ Մինսկի խմբի 1992 թվականի մանդատով»,- ասել էր Ն. Փաշինյանը: Վարչապետի այս տեսակետը դարձավ բուռն քննարկման առարկա և բոլոր կողմերից նրան սկսեցին կոչ անել Արցախյան հարցի մասին տեսակետ հայտնելու ժամանակ ավելի զգուշավոր լինել:

Քաղաքագետ Ալեն Ղևոնդյանը Past.am-ի հետ զրույցում նշեց, որ տարիներ շարունակ արտաքին դիվանագիտությունն առկախված է եղել մեկ հիմնական սկզբունքից և ինչպես ողջ աշխարհին, այնպես էլ բանակցող կողմերին քաղաքական և միջազգային իրավունքի տեսանկյունից փորձ է արվել հիմնավորել, որ Արցախը ինքնորոշման սուբյեկտ է և իր չցեղասպանվելու հիմնավորմամբ պետք է կարողանա ինստիտուցիոնալիզացնել իր պետականությունը:

«Հայկական կողմն, ինչպես Լ. Տեր-Պետրոսյանի, այնպես էլ Ս. Սարգսյանի տարիներին օրակարգ մտցրեց այն գաղափարը, որ Հայաստանը Ղարաբաղի իրավունքները պաշտպանելու տեսանկյունից որպես միջնորդ կողմ ներկայանա: Առանձնահատկությունն այն է, որ եթե Հայաստանը ներկայանում է որպես ուղղակի բանակցային կողմ, ապա հարցեր են առաջանում, թե իրականում կոնֆլիկտն ինչ տեսանկյունից է դիտարկվում»,- ասաց Ա. Ղևոնդյանը: Կախված այն հանգամանքից, թե Արցախյան կոնֆլիկտը տարածքային, անվտանգության, ինքնորոշման, մշակութային ցեղասպանության, տնտեսական հանգամանքներով է պայմանավորված, թե այլ տեսանկյունից է դիտարկվում, իր մեջ ռիսկեր է պարունակում: Քանի որ եթե Հայաստանը հանդես է գալիս որպես բանակցային կողմ, ապա պետք է հստակեցնել, թե որպես պետություն ինչ պահանջներ ունի Ադրբեջանից:

«Մենք այստեղ պետք է շեշտադրումը կատարենք առկախվելով բացառապես Արցախի ինքնորոշման իրավունքից: Եվ պետք է հանդես գանք որպես ոչ թե բանակցային, այլ՝ միջնորդ կողմ: Եվ եթե միանգամից ծայրահեղական, առավելապաշտական նշաձող ենք սահմանում, ապա դա կարող է իր մեջ ռիսկեր պարունակել»,- ասաց Ա. Ղևոնդյանը:

Քաղաքագետի կարծիքով, սակայն, Փաշինյանի հայտարարությունը ոչ թե պատային իրավիճակ է ստեղծում, այլ մեկ ուրիշ սցենար, որը նախապես կանխատեսել էր Ադրբեջանը:

«Եվ երբ մենք ասում ենք, որ Արցախը պետք է վերադառնա բանակցային սեղանի շուրջ, ադրբեջանական կողմն ասում է, որ Լեռնային Ղարաբաղում բնակվող ադրբեջանցիները նույնպես համայնք են և ուզում են, որ նրանց կողմից նույնպես ներկայացուցիչ գա: Այս դեպքում ստացվում է 2+2 ձևաչափ: Իսկ թե որքանո՞վ է դա մեզ համար ձեռնտու, ես դժվարանում եմ այս պահին ասել, քանի որ դա ընդամենը տեսական դիտարկում է և դատողություն»,- ասաց Ա. Ղևոնդյանը:

Արմինե Գրիգորյան

website by Sargssyan