Արա Պապյան. «Թուղթը չի կանգնեցնելու նրանց տանկերի առաջընթացը... ՀԱՐՑԱԶՐՈՒՅՑ
«Ճանապարհային ոստիկանությունը. մեր նամակը սխալ է հասկացել». ... ՀԱՐՑԱԶՐՈՒՅՑ
Վահան Արծրունին՝ մոլի ռեժիմական մտավորականների, վերագնահատու... ՀԱՐՑԱԶՐՈՒՅՑ
Լեռնիկ Ալեքսանյան. «Այս օրերին նույն բաներն են տեղի ունենում... ՀԱՐՑԱԶՐՈՒՅՑ
«Ամուլսարի շահագործման մասին խոսք անգամ լինել չի կարող». «Փա... ՀԱՐՑԱԶՐՈՒՅՑ
Երևան, 25.Մայիս,
00
:
00
:
00
Փոխարժեք
478.65
$
560.79
Մոտ 100 միլիոն դրամ՝ դատավորի ու իր կնոջ հայտարարագրում. «Փաստ» Տարոն Մարգարյանի պատասխանը Ալեն Սիմոնյանին. «Փաստ» Կարո Եղնուկյանը 10 միլիոն դրամ գրավ մուծելով՝ ազատ արձակվեց. «Փաստ» Լիլիթ Մակունցը դեմ է օպերային թատրոնում ռեստորան բացելուն. «Փաստ» Արդար և արդարացի. արտահերթ ընտրությունների մասին. «Փաստ» Արա Պապյան. «Թուղթը չի կանգնեցնելու նրանց տանկերի առաջընթացը». «Փաստ» «Ճանապարհային ոստիկանությունը. մեր նամակը սխալ է հասկացել». «Փաստ» Վահան Արծրունին՝ մոլի ռեժիմական մտավորականների, վերագնահատումների և օրենքի գերակայության մասին. «Փաստ» Լեռնիկ Ալեքսանյան. «Այս օրերին նույն բաներն են տեղի ունենում, ինչ ժամանակին տեղի ունեցան ՀՀՇ–ի ու ՀՀԿ–ի օրոք». «Փաստ» Արթուր Բաղդասարյանը հին ու «կարկառուն» ՕԵԿ–ականների առջև արգելքներ է դրել. «Փաստ» «Յուվենտուսի» նախագահն առաջարկում է փոխել ՉԼ-ի ձևաչափը Դատարանը մերժեց Խաչատուր Գիշչյանի կալանքը փոխելու վերաբերյալ միջնորդությունը. անցկացվելու է դատաբժշկական փորձաքննություն Գարեգիկ Չուգասզյանը դադարեցրել է հացադուլը Նիկոլ Փաշինյանի հետ հանդիպումից հետո Զինծառայողի մահվան գործով մեղադրանք է առաջադրվել հենակետի ավագին Առողջապահության նախարարը վստահեցնում է`արգելված վայրերում ծխելու տուգանքի չափը պետք է լինի հանրային կոնսենսուսով «Յունիգրաֆ-Իքս» ընկերության հաշվապահական խնդիրները չի ներառվում վարչության գործառույթների կամ լիազորությունների մեջ. Արթուր Գևորգյան ՀՀ զինված ուժերի գլխավոր շտաբի պետ է նշանակվել Տարոն Մարգարյանի սուբյեկտիվ ցանկությունը չէ, այլ պարտավորությունն է. փաստաբանը՝ Ալեն Սիմոնյանին ավագանու մանդատից զրկելու մասին Հայաստանի և Երևանի դրոշները տիեզերքում են. իրադարձությունը ոգևորության ալիք է բարձրացրել Ռուսաստանի հայերի շրջանում Մանե Թանդիլյանը կառավարությանն առաջարկել է կուտակային համակարգի պարտադիր նորմը հետաձգել մեկ տարով

Քաղաքական փաթեթի չորս կարևոր հարցերը. Ի՞նչ խնդիր է դրված նոր կառավարության առաջ

Նոր կառավարության կազմն արդեն հայտնի է: Ի տարբերություն նախորդ կառավարությունների անդամների՝ նոր կառավարությունում գերիշխում են երիտասարդ կադրերը:

Քաղաքագետ Երվանդ Բոզոյանը խորհուրդ է տալիս խիստ չդատել:

«Իհարկե, հայտնի և հանրության շրջանում վստահություն վայելող մարդկանց նշանակումն ավելի ճիշտ կլիներ: Երկրի լրջությունն ու հասունությունը հենց այդ կերպ է ակնառու դառնում: Հայաստանում, ցավոք, նման ավանդույթ չի եղել ո՛չ առաջին, ո՛չ երկրորդ և ո՛չ էլ երրորդ նախագահների ժամանակ: Ըստ էության, այս անգամ էլ ավանդույթը չխախտվեց, բայց դրանից, այսպես ասած, ողբերգություն չեմ ուզում սարքել, որովհետև, մեծ հաշվով, ժամանակավոր կառավարություն է:

Արտահերթ խորհրդարանական ընտրություններից հետո արդեն ավելի լուրջ իշխանություն կձևավորվի, իսկ մարդիկ ավելի հստակ պատկերացում կկազմեն ներկայիս նախարարների մասին: Իսկ այս փուլում վարչապետ Նիկոլ Փաշինյանի նկատմամբ ունեցած վստահությունը տարածվում է մյուս նախարարների վրա: Բացասական տրամադրվել պետք չէ՝ միգուցե իսկապե՞ս լավ են կառավարում: Պետք է սպասել, տեսնել, թե մարդիկ ինչպես են աշխատում»-Past.am-ի հետ զրույցում ասաց քաղաքագետը:

Նրա խոսքով՝ 100 օր կաշխատեն և այդ ժամանակ հստակ կլինի՝ լավ են աշխատում, թե՝ վատ: Քաղաքագետն այս փուլում այլ հարց է կարևորում: Առաջինն, ըստ նրա, 4 առաջնահերթ հարցերից բաղկացած քաղաքական այն փաթեթն է, որ պետք է լուծի նոր կառավարությունը:

«Նոր կառավարության առջև պետք է հստակ դնել այն խնդիրները, որոնք պարտադիր պետք է լուծվեն: Առաջին՝ պետք է փոխվի Ընտրական օրենսգիրքը՝ ռեյտինգային կոչված համակարգը չպետք է լինի փոփոխված օրենսգրքում: Երկրորդ՝ «Կուսակցությունների մասին» նոր օրենք պետք է ընդունվի: Նոր օրենքով պետք է ֆինանսական հոսքերի թափանցիկությունն ապահովվի: Բացի այդ, օրենքով պետք է խստացվեն ընտրակաշառքների վերաբերյալ դրույթները: Ճիշտ է, քաղաքական կամք կլինի, բայց նաև օրենսդրության մեջ խստացում է հարկավոր: Լիազորությունների վերաբաշխում ևս պետք է լինի: Խոսում ենք սուպերվարչապետական համակարգի մասին, բայց գիտենք, որ այդ համակարգը կոնկրետ մեկ մարդու պատվերով էր ու մեկ մարդու համար: Հիմա ԱԺ նախագահի, ՀՀ նախագահի և վարչապետի լիազորությունները պետք է հավասարակշռենք, որպեսզի մեկ մարդու ձեռքում մեծ լիազորություններ չլինեն. մենք ոչ մի երաշխիք չունենք, որ վաղը կամ մյուս օրը ցանկացած անձի կողմից այդ սուպերվարչապետական լիազորությունները չեն վերածվի այնպիսի մի մեխանիզմի, ինչը մենք նախկինում տեսել ենք»,-շեշտեց Ե. Բոզոյանը:

Քաղաքական փաթեթի մյուս կարևոր կետն, ըստ քաղաքագետի, քաղբանտարկյալների հարցն է. «Քաղբանտարկյալները պետք է ազատվեն և հնարավորություն ունենան մասնակցել խորհրդարանական ընտրություններին: Եթե նրանք մնան բանտերում, ապա անցկացվելիք խորհրդարանական ընտրությունները թերի լեգիտիմ կլինեն: Այդ մարդիկ ազատազրկվել են նախկին ռեժիմի օրոք առկա քաղաքական հետապնդումների հետևանքով: Նրանք նախկին իշխանությունների կողմից թիրախ են համարվել: Այս իմաստով քաղբանտարկյալների՝ օր առաջ ազատելը պարտադիր ու կենսական անհրաժեշտություն է»:

Նա ընդգծեց, որ քաղաքական փաթեթին զուգահեռ, անհրաժեշտ է նաև սոցիալական փաթեթ:

«Մարդիկ սպասում են, որ օր առաջ մի շարք խնդիրներ պետք է անհապաղ լուծում ստանան: Օրինակ՝ արագաչափերը, տուգանքները, կարմիր գծերի խնդիրները: Նկատի ունեմ այն բոլոր ճչացող խնդիրները, որոնց դեպքում արագ լուծման հնարավորություն կա: Ես կառանձնացնեի նաև Կենտրոնական ընտրական հանձնաժողովի կազմի խնդիրը: Իսկ արդեն 2-րդ փուլում՝ արտահերթ խորհրդարանական ընտրություններ անցկացնելուց հետո, յուրաքանչյուր կուսակցություն ինքն իր ծրագիրը կներկայացնի: Այդ ժամանակ արդեն մրցակցություն կլինի այն հարցերի շուրջ, թե ինչպես կարելի է երկիրը բարելավել: Իսկ առաջիկա վեց ամիսների ընթացքում առաջնահերթ խնդիրները սրանք են»,-ասաց նա՝ ընդգծելով, որ խորհրդարանական ընտրություններից հետո այնպիսի համակարգ պետք է կառուցենք, որ որևէ մեկը լայն լիազորություններ չունենա:

Աննա Բադալյան

website by Sargssyan