Արա Պապյան. «Թուղթը չի կանգնեցնելու նրանց տանկերի առաջընթացը... ՀԱՐՑԱԶՐՈՒՅՑ
«Ճանապարհային ոստիկանությունը. մեր նամակը սխալ է հասկացել». ... ՀԱՐՑԱԶՐՈՒՅՑ
Վահան Արծրունին՝ մոլի ռեժիմական մտավորականների, վերագնահատու... ՀԱՐՑԱԶՐՈՒՅՑ
Լեռնիկ Ալեքսանյան. «Այս օրերին նույն բաներն են տեղի ունենում... ՀԱՐՑԱԶՐՈՒՅՑ
«Ամուլսարի շահագործման մասին խոսք անգամ լինել չի կարող». «Փա... ՀԱՐՑԱԶՐՈՒՅՑ
Երևան, 25.Մայիս,
00
:
00
:
00
Փոխարժեք
478.65
$
560.79
Մոտ 100 միլիոն դրամ՝ դատավորի ու իր կնոջ հայտարարագրում. «Փաստ» Տարոն Մարգարյանի պատասխանը Ալեն Սիմոնյանին. «Փաստ» Կարո Եղնուկյանը 10 միլիոն դրամ գրավ մուծելով՝ ազատ արձակվեց. «Փաստ» Լիլիթ Մակունցը դեմ է օպերային թատրոնում ռեստորան բացելուն. «Փաստ» Արդար և արդարացի. արտահերթ ընտրությունների մասին. «Փաստ» Արա Պապյան. «Թուղթը չի կանգնեցնելու նրանց տանկերի առաջընթացը». «Փաստ» «Ճանապարհային ոստիկանությունը. մեր նամակը սխալ է հասկացել». «Փաստ» Վահան Արծրունին՝ մոլի ռեժիմական մտավորականների, վերագնահատումների և օրենքի գերակայության մասին. «Փաստ» Լեռնիկ Ալեքսանյան. «Այս օրերին նույն բաներն են տեղի ունենում, ինչ ժամանակին տեղի ունեցան ՀՀՇ–ի ու ՀՀԿ–ի օրոք». «Փաստ» Արթուր Բաղդասարյանը հին ու «կարկառուն» ՕԵԿ–ականների առջև արգելքներ է դրել. «Փաստ» «Յուվենտուսի» նախագահն առաջարկում է փոխել ՉԼ-ի ձևաչափը Դատարանը մերժեց Խաչատուր Գիշչյանի կալանքը փոխելու վերաբերյալ միջնորդությունը. անցկացվելու է դատաբժշկական փորձաքննություն Գարեգիկ Չուգասզյանը դադարեցրել է հացադուլը Նիկոլ Փաշինյանի հետ հանդիպումից հետո Զինծառայողի մահվան գործով մեղադրանք է առաջադրվել հենակետի ավագին Առողջապահության նախարարը վստահեցնում է`արգելված վայրերում ծխելու տուգանքի չափը պետք է լինի հանրային կոնսենսուսով «Յունիգրաֆ-Իքս» ընկերության հաշվապահական խնդիրները չի ներառվում վարչության գործառույթների կամ լիազորությունների մեջ. Արթուր Գևորգյան ՀՀ զինված ուժերի գլխավոր շտաբի պետ է նշանակվել Տարոն Մարգարյանի սուբյեկտիվ ցանկությունը չէ, այլ պարտավորությունն է. փաստաբանը՝ Ալեն Սիմոնյանին ավագանու մանդատից զրկելու մասին Հայաստանի և Երևանի դրոշները տիեզերքում են. իրադարձությունը ոգևորության ալիք է բարձրացրել Ռուսաստանի հայերի շրջանում Մանե Թանդիլյանը կառավարությանն առաջարկել է կուտակային համակարգի պարտադիր նորմը հետաձգել մեկ տարով

Արա Պապյան. «Եթե ՀՅԴ-ն չինքնամաքրվի, հաջորդ ընտրություններից հետո խորհրդարանում չի լինի»

Այս օրերին հաճախ են տեղեկություններ շրջանառվում, թե լուրջ խմորումներ են հասունանում ՀՅԴ-ի ներսում, հատկապես արտերկրյա թևերի միջև: Նշվում է, որդա այդ կուսակցության՝ վերջին շրջանի պահվածքի դրսևորումն է:

«Մոդուս Վիվենդի» կենտրոնի ղեկավար, արտակարգ և լիազոր դեսպան, քաղաքագետ Արա Պապյանը թեև կարևորում է ՀՅԴ-ի դերը Հայաստանի ներքին քաղաքական կյանքում, սակայն համոզված է, որ եթե ՀՅԴ-ն չհասցնի ինքնամաքրվել, ապա առաջիկա խորհրդարանում ներկայացված չի լինի:

«Կարծում եմ, որ ազգային գաղափարախոսություն ունեցող կուսակցության ներկայության կարիք ունենք խորհրդարանում, չնայած վերջին շրջանում ՀՅԴ-ն բավականին հեռացել է իր գաղափարախոսությունից, սակայն այն ավանդաբար շարունակում է ընկալվել որպես այդպիսին: Եվ վերլուծելով անցած ընտրությունների արդյունքները, պարզ է դառնում, որ նրանք մի կերպ են հաղթահարել 5%-անոց անցողիկ շեմը: Դրան եթե ավելացնենք, որ խորհրդարան են անցել իշխանության աջակցությամբ, այսինքն նրանց օգտին նաև ձայներ լցոնելու միջոցով, ապա պարզ է դառնում, որ այս անգամ կարող է ընդհանրապես չկարողանան խորհրդարան անցնել: Բացի այդ, վերջին իրադարձությունների հետևանքով Դաշնակցությունը կրկին և՛ հետևորդներ է կորցրել, և՛ձայներ ու, բնականաբար, պետք է այս ամենից հետևություններ անեն»,- ասաց Ա. Պապյանը:

Հիշեցնենք, որ ներկայիս խորհրդարանում ՀՅԴ խմբակցությունը ներկայացված է 6 պատգամավորով, որից երկուսը, սակայն, անկուսակցական են: Բացի այդ, ՀՅԴ-ն ամենաքիչ պատգամավորական ձայներ ունենալով հանդերձ, կոալիցիոն համաձայնագիր էր ստորագրել ՀՀԿ-ի հետ: Եվ գործընկերային հարաբերություններից ելնելով՝ ՀՅԴ-ն նախ դատապարտեց ժողովրդական շարժումը, սակայն երբ թավշյա հեղափոխությունը հասավ իր գագաթնակետին, հրաժարվեց ՀՀԿ-ից և որոշում կայացրեց սատարել ժողովրդի կողմից ներկայացված վարչապետի թեկնածու Նիկոլ Փաշինյանին:

«Անկեղծ ասած, ես այդպես էլ չհասկացա, թե իրենք ինչու սկզբում դժգոհության «կրակն» իրենց վրա վերցրեցին, հետո հրաժարվեցին ՀՀԿ-ի հետ համագործակցության հուշագրից, ապա անցան ժողովրդական շարժման կողմը, և այս անգամ արդեն Հանրապետականի կողմից որպես դավաճան ընկալվեցին: Այս ամենի արդյունքում ՀՅԴ-ի վարկանիշը բավականին անկում ապրեց: Եթե այս ամենից ՀՅԴ-ի ղեկավար կազմում տեղի չունենան արմատական փոփոխություններ և ներկա ղեկավարությունը հրաժարական չտա, ապա վարկանիշի առումով որևէ դրական տեղաշարժ տեղի չի ունենա: Հիմա ՀՅԴ սփյուռքյան տարբեր կազմակերպություններից բարձրաձայնում են, որ ընդհանուր ժողով հրավիրելու անհրաշեշտություն կա, որը պետք է քննության առնի նախկին քաղաքականությունը, թե նախկին իշխանությանն աջակցելն ինչքանով էր արդարացված»,- ասաց Ա.Պապյանը:

Քաղաքագետը թեև չի պնդում, որ եթե անգամ նման քայլեր ձեռնարկվեն և ՀՅԴ բյուրոյի ղեկավարները հրաժարական տան, այս կարճ ժամանակահատվածում հնարավոր կլինի լիարժեք կերպով վստահ լինել, որ նրանք կվերգտնեն իրենց կորցրած ընտրազանգվածը, սակայն կուսակցության ինքնամաքրումը բավականին կնպաստի ՀՅԴ վարկանիշի բարձրացմանը:

«Ես ուզում եմ հատկապես շեշտել, որ Դաշնակցություն կուսակցությունում կան բազմաթիվ հայրենանվեր ու գաղափարական անձնավորություններ, որոնց մի մասը դուրս է եկել կամ վտարվել է կուսակցությունից: Եվ գաղտնիք չէ, որ ՀՅԴ-ն վերածվել է ստալինա- բոլշևիկյան կուսակցության, որը չի հանդուրժում ո՛չ քննադատություն, ո՛չ այլակարծություն և վտարման սպառնալիքի տակ ստիպում է մտածել այնպես, ինչպես կուսակցության վերևի օղակներն են մտածում: Բացի այդ, ՀՅԴ-ն դավաճանել է նաև սեփական գաղափարախոսությանը և, լինելով սոցիալիստական գաղափարախոսություն ունեցող կուսակցություն, կոալիցիա կազմեցին մի կուսակցության՝ ՀՀԿ-ի հետ, որն ավելի շատ նման է խոշոր բուժուազիայի արհմիության: Ստացվում է, որ ՀՅԴ-ն դավաճանել է սեփական սոցիալական և ազգային գաղափարախոսությանը, բայց ես հույս ունեմ, որ կուսակցությունն այնուամենայնիվ ընդհանուր ժողով հրավիրելու ուժ կգտնի, կվերլուծի իր անցած 10 տարին և կհանգի եզրակացության, իսկ ընտրությունների ժամանակ ժողովուրդն իր քվեով ցույց կտա, թե որքանով է այդ քաղաքական ուժն ընդունելի իր համար, բայց եթե նման քայլեր չանեն, վստահեցնում եմ, որ 5 %-ը հաստատ չեն հաղթահարի»,- ասաց Ա. Պապյանը:

Արմինե Գրիգորյան

website by Sargssyan